Авылларда 17.02.2017

Кыска хәбәрләр

Районнарда һәм Авылларда

Пильна районының җирле үзидарә, администрация башлыклары һәм депутатлары 2016 елда башкарылган эшләре турында исәп-хисап тоту графигы буенча петрякслылар ал- дында җирле клубта 14 мартта, Сафаҗай халкы каршында мәдәният йортында 17 мартта чыгыш ясарлар. Ә Мочали администрациясендә бу чара үтте инде.

Сергач районында өлкә Законнар чыгару җыены депутаты Александр Ефремцевның кабул итү бүлмәсе эшли башлады. Ул район администрациясенең 103 нче кабинетында урнашкан. Һәр җомга көнне 10.00 сәгатьтән алып 12.00 сәгатькә кадәр халыкны депутатның ярдәмчеләре кабул итәр. Алдан язылыр өчен 8 (904) 394-70-28 номеры буенча шалтыратырга кирәк.

Кызыл Октябрь районының татар авыллары администрацияләре “Җирле инициативалар” программасында катнашу өчен халык җыеннарында юлларны яңартырга килешкәннәр. Мәсәлән, Семочкида 5 февральдә халык җыены узган һәм анда Ленин урамындагы юлның 400 метрына 1 млн 168 мең сумлык асфальт салырга кирәк дип тапканнар. Бу турыда авыл башлыгы Равил Бәдретдинов хәбәр итте. Ә Пашат авылы башлыгы Наил Атауллин инициативасы белән биредә авыл җыены 13 февральдә булып үткән һәм җирле халык Новая урамына чыга торган тыкрыкка 300 метр озынлыкта ремонт ясарга килешкән. Бу проектның бәясе 1 млн 43 мең 858 сум тәшкил итәчәк. Суыксу белән Чүмбәлидән Юность белән Новая линия урамнарына ремонт ясау, ә Өчкүлдән Фаттахетдинов урамына яңа асфальт салу проектлары өлкә комиссиясенә юлланган.

Ыргуда янгын сүндерү ма- шинасын сафка куярга фермер Абдулхак Исхаков булышкан. Камка мәктәбе укучылары Дамир Мангушев, Азат Орлов, Лилия Рыбакова һәм Талия Насретдинова Сергачның “Лидер” ФСКсында үткән “ГТО” Бөтенроссия физкультура-спорт комлексының фестивалендә уңышлы катнашканнар.

Ә Кочко-Пожар егете Ленар Жиһаншин шул бәйгедә бөтен нормативларны үтәп, региональ этапта катнашуга лаек булган.

Каргадан өметле яшь спортчыбыз Файлә Аймалетдинова Саранскида узган шорт-трек буенча Россия беренчелегендә чираттагы җиңүгә ирешкән.

Бозлау администрациясе башлыгы Али Аймасов белдерүенчә, агымдагы елда биредә үткәреләчәк сабантуйлар графигы февраль ахырында депутатлар утырышында билгеләнәчәк.

Уразавыл мәктәбе бинасына сугышчы-интернационалист Равил Хөсәинов истәлегенә беркетелгән Хәтер тактасы кар- шында митинг узган, веноклар куелган.

Андылы Рамил Мөхәммәтризаевның тәрбияләнүчесе Рушан Сәмиуллин (Зур Рбишча) Кыстауда тай боксы буенча ачык регионара чемпионатта икенче урынны алган.

Сафаҗай мәктәбе укучыларыннан тупланган дүрт команда да Пильнада үткән “Лыжня России” ярышларында призлы урыннарга лаек булган.

Татар Моклокасы клубының бер бүлмәсендә булдырылачак авыл музеена электроэнергия челтәре сузганнар.

17.02.2017
Илнар ТОКТАРОВ әзерләде.

Кадерле милләттәшләр!

Авылыгыздагы яңалыклар ту­рында безгә 8(831-91) 5-19-24 номеры буенча шалтыраты­гыз.

Похожие записи:
Закладка Постоянная ссылка.
Звёзд: 1Звёзд: 2Звёзд: 3Звёзд: 4Звёзд: 5 (14 оценок, Рейтинг: 5,00 из 5)
Загрузка...
Просмотры,караулар 383 просмотров