Казан укырга дәшә

Агымдагы атна башы белән Санкт-Петербург метросында булган теракт нәтиҗәсендә ун​нан артык һәлак булучыларның һәм алтмышка якын зыян күрүчеләрнең якыннары кичер-гән тирән кайгыларын уртакла​шабыз. Бу фаҗига күпләрнең күңелләрен тетрәндерде һәм шомлы уй-кичерешләргә этәрде.

Бөтендөнья татар конгрес-сының башкарма комитеты Татарстанның фән һәм мәгариф министрлыгы, Республиканың югары уку йортлары ректор​лары Советы белән берлектә Россия регионнарында яшәүче татар яшьләрен Татарстан Республикасының югары уку йортларына укырга керергә ча​кыра.

Абитуриентларны алдан теркәү tatar-congress.org сайтында алып барылыр. Ә максатлы (це​левое) керү исемлегенә эләгер өчен, түбәндәге документларны юллау мәҗбүри:

— мәктәпне тәмамлаучының па​спорт күчермәсе;

— әтисенең яки әнисенең па​спорт күчермәсе;

— белгечкә заказ бирүче дәүләт оешмасы (мәктәп, муниципали​тет һ.б.) белән университет ара​сында кул куелган ике максатлы кабул итү килешүе;

— дәүләт оешмасы һәм абиту​риент арасында кул куелган ике максатлы кабул итү килешүенең күчермәсе;

— персональ мәгълүматларны эшкәртүгә ризалык.

Татарстанның югары уку йортларына укырга керергә теләүчеләр шулай ук 20 апрельгә кадәр заявкаларын һәм документларын rnkatno@mail.ru эл. почтасына да юллый ала. Ә өстәмә белешмәләр өчен телефон: 8(831) 216 36 14.

Кече рбишчаның “Аджа авыл” төркеме 7 майда туган авылла​рында Бөек Җиңү көненә багыш​ланган бәйрәм чаралары оеш​тырачак. Аның программасында “Үлемсез полк” һәм «Георгий тас​масы» маршы, тантаналы ми​тинг, велопробег, «Солдат ботка​сы» һәм концерт булыр.

Ә Ишавыл мәчетенең 150 ел​лык юбилеен 7 июльдә — авыл сабан туе көнендә бәйрәм итәчәкләр.

Камкада 1 апрель кичне 57 яшьлек Әхмәт Курмаев
үзенең яшькельт-кара төсле “Шев​роле Нива” (В008АВ 152) ав​томобиле белән юкка чыккан. Аны авыл халкы да, полиция хезмәткәрләре дә мәш килеп эзлиләр. Югалган көнне ул спортлы баш киемендә, якты кайтарткыч элементлы җылы курткадан, джинсага охшатып эшләнгән чалбарлы типтагы три​кодан һәм галошлы киез итектән була. Бу кеше турында берәр нәрсә белсәгез, полициягә яки 8 920 016 30 08, 8 915 954 05 79 телефон номерларына шалты​ратып хәбәр итегез.

Шул көннәрдә генә безнең редакциягә өлкә Диния нәзарәтенең Алемнар шурасы рәисе Мөнир хәзрәт Бәюсов ке​реп чыкты. Ул Ольга Сенюткина һәм үзенең авторлыгында яңа гына дөнья күргән «Андреевка-Метравыл» исемле китабын бүләк итеп калдырды. Аның презентациясен Уразадан соң Мөтеравылда зурлап үткәрергә планлаштыра Мөнир хәзрәт.

07.04.2017
Олег ӘНДӘРҖӘНОВ.