БЕРЕНЧЕ ҺӘЙКӘЛ

Памятник ко Дню Победы с.Петряксы
Петрякс авылында “Җирле инициативалар” программасы кысаларында быел уникаль проект тормышка ашырылды.
Башка администрацияләр халык, район һәм өлкә ярдәмендә юллар төзесәләр, клублар һәм һәйкәлләр ремонтласалар, суүткәргечләр салсалар, петрякслылар комфортлы ял итү урыны булдырдылар.

Ул авыл уртасында 2800 квадрат метр мәйданда урнашты. Шунда фонтан, балалар мәйданчыгы төзелде, спорт белән шөгыльләнер өчен җиһазлар куелды, ял итәргә эскәмияләр урнаштырылды, тирәсенә яктырту челтәре сузылды.

Ә парк зонасын бизәү буенча иң креатив һәм мөһим идеяне авылның легендар ветераны Нәим ага Абдуллин биргән. Олы буын вәкиле, бөек Ватан сугышы чорын узган аксакал тарихны барлау кирәклеген аеруча яхшы аңлый.

Шуңа күрә ул Ватаныбыз өчен дәһшәтле 1941-1945 елларда илебезгә басып кергән дошманны тар-мар итүгә зур өлеш керткән, тылда ачлый-туклый көн-төн хезмәт иткән хатын-кызларның тиңдәшсез хезмәт батырлыкларын мәңгеләштерер өчен, паркта һәйкәл булдыру кирәклеген белдергән.

Бу идеяне авыл башлыгы, җирле депутатлар һәм урындагы учреждение җитәкчеләре берсүзсез хуплап чыга һәм финанс мәсьәләсен хәл итәргә булыша.

Шундый уникаль һәйкәл безнең татар авылларында гына түгел, гомумән, өлкәдә юк. Паркны һәм һәйкәлне ачу тантанасы киләсе Җиңү көненә планлаштырыла.

Тагын шуны да әйтергә кирәк, авыл башлыгы Ансар Садретдинов җитәкчелегендә пет-рякслылар безнең төбәктә беренчеләрдән булып таушалган суүткәргечләрне яңартуда үзләренең ноу-хауларын уйлап таптылар — иске торбалар эченнән яңаларын суздылар. Шулай итеп, су трассасын тоташ казымауда алар чыгымнар-ны нык оптимальләштерделәр. Кыскасы, афәрин, Петрякс!

10.11.2017
Илнар САДЕКОВ.

Закладка Постоянная ссылка.
Звёзд: 1Звёзд: 2Звёзд: 3Звёзд: 4Звёзд: 5 (7 оценок, среднее: 5,00 из 5)
Загрузка...
Просмотры,караулар 155 просмотров