Кумир белән истәлеккә

Узган атнада Германиядә һәм Франциядә хоккей буенча 81 нче дөнья чемпионаты тәмамланды. Безнең милли җыелма коман​дабыз хөрмәтле өченче урынны яулады. Уеннар​ны телевизор​дан җан атып байтак якташ-милләттәш-ләребез күзәтә барды.

Өлкәбездә ФСКлар барлыкка килү аркасында бу спорт төре безнең авылларыбызда янәдән популярлашып китте.
Петрякс, Сафаҗай, Кочко-Пожарда һәм Зур Рбишчада боз кордлары булдырылды. Янда​вишча, Уразавыл, Семочки, Суыксуда хоккей белән шөгыльләнүчеләр өчен шартлар тудырылган. Шуның нәтиҗәсендә яшьләр дә бу спорт төренә тартыла — командаларның составларына сәләтле уенчы​лар керә бара, ә башкалада безнең нижгар хоккее данын “Сафаҗай бүреләре” командасы яклый. Алар һәр ел МДХЛ ярышларында катна​шалар, быелгысында унике команда арасында регуляр чемпионатны беренчедә, ә плей-офф уеннарын өченче урында тәмамладылар.

Аның һөҗүмчесе Әхмәт Аляутдинов узган елны август аенда куми​рын очраткан: “Легендалар паркы”нда экскурсия вакытында ул дөнья йөзенең иң көчле хоккейчыларының берсе, НХЛның “Питтсбург” ко​мандасы һөҗүмчесе, ике тапкыр дөнья чемпионы Евгений Малкинны очраткан, аның белән һәм яулаган Стенли кубогы янында истәлеккә фотога төшкән, автографын алган (фотода).

26.05.2017
“Туган як” редакциясе